Rhestr Wirio Credyd Cynhwysol
Unwaith y byddwch wedi derbyn eich llythyr Hysbysiad Trosglwyddo i Gredyd Cynhwysol, bydd angen i chi wneud cais am Gredyd Cynhwysol i barhau i gael cymorth ariannol. Bydd terfyn amser yn eich llythyr.
Defnyddiwch y rhestr wirio hon i’ch helpu i baratoi ar gyfer eich cais Credyd Cynhwysol. Mae’r wybodaeth hon hefyd ar gael i’w gwylio fel fideo neu restr wirio y gallwch ei lawrlwytho.
Gallwch arbed eich cais ar unrhyw adeg a bydd gennych 28 diwrnod i’w gwblhau, unwaith y byddwch wedi creu eich cyfrif ar-lein.
Mae rhai camau y gallwch eu cymryd i sicrhau eich bod yn barod i wneud eich cais:
- Gweld pa ddogfennau a gwybodaeth y byddwch hangen cyn i chi ddechrau eich cais.
- Defnyddio cyfrifiannell budd-daliadau annibynnol i amcangyfrif faint y gallech ei gael ar Gredyd Cynhwysol. Byddwch yn ymwybodol, amcangyfrifon yn unig yw’r rhain ac efallai na fyddant yn cynnwys y diogelwch ariannol y gallech fod yn gymwys i’w gael.
- Darganfod pa gymorth a chyngor annibynnol sydd ar gael i’ch helpu gyda’ch cais.
Cam 1: Creu eich cyfrif ar-lein (o 00:19 yn y fideo)
- Dewiswch enw defnyddiwr a chyfrinair.
- Rhowch eich cwestiynau diogelwch. Mae angen y rhain i gadw’ch cyfrif yn ddiogel.
- Llenwch yr adran ‘amdanoch chi’ (enw a chyfeiriad).
- Rhowch a chadarnhewch eich cyfeiriad e-bost.
- Rhowch a chadarnhewch eich rhif ffôn symudol.
- Rhowch gyfeiriad eich cartref.
Cam 2: Dechrau eich cais (o 01:36 yn y fideo)
- Efallai y byddwch angen manylion am:
- gostau tai a threfniadau rhent
- unrhyw gynilion ac incwm, gan gynnwys budd-daliadau eraill
- pobl sy’n byw gyda chi
- Oes gennych chi bartner?
- Sut i wneud cais ar y cyd (os yw hyn yn berthnasol i chi)
Cam 3: Gwneud cais ar y cyd gyda’ch partner (o 02:21 yn y fideo)
Os ydych yn rhan o gwpl, bydd angen i chi a’ch partner wneud cais ar y cyd.
- Bydd angen i’r ddau ohonoch greu cyfrif. Bydd pwy bynnag sy’n gwneud hyn gyntaf yn cael cod cysylltu.
- Yna dylai’r partner arall yn y cwpl ddefnyddio’r cod hwn pan fyddant yn cofrestru ar gyfer eu cyfrif.
- Rhowch enw cyntaf eich partner.
- Rhowch god post eich partner.
- Cwblhewch eich cais ar y cyd gyda’ch gilydd.
Cam 4: Rhestr o bethau i’w gwneud eich cyfrif (o 03:21 yn y fideo)
Yn ystod y cais, gofynnir y cwestiynau isod i chi, felly gwnewch yn siŵr bod gennych y wybodaeth wrth law i’w hateb. Efallai y bydd angen i chi lwytho copïau o rai o’r dogfennau hyn i wirio eich hunaniaeth a’ch amgylchiadau (fel mantolenni banc neu gytundeb tenantiaeth).
- Beth yw eich cenedligrwydd?
- Ydych chi wedi bod allan o’r DU yn ystod y 2 flynedd ddiwethaf?
- Oes gennych chi gostau tai, gan gynnwys treth gyngor? Bydd angen i chi hefyd roi gwybod i ni pa fath o lety rydych yn byw ynddo.
- Faint o blant ydych chi am wneud cais amdanynt?
- Beth yw eich statws gwaith a’ch enillion presennol?
- Pa fathau o arian, cynilion a buddsoddiadau sydd gennych?
- Incwm, taliadau neu fudd-daliadau eraill.
- Ydych chi mewn addysg neu hyfforddiant?
- Oes gennych chi unrhyw salwch, anabledd neu gyflyrau iechyd parhaus sy’n effeithio ar eich gallu i weithio?
- Ydych chi’n cael budd-dal gofalwr?
- Manylion cyfrif banc, cymdeithas adeiladu neu undeb credyd,
Cam 5: Cadarnhau eich manylion (o 05:11 yn y fideo
Yn yr adran hon, gallwch wirio eich bod wedi rhoi’r wybodaeth gywir i’r cwestiynau uchod.
Gofynnir i chi gadarnhau bod y wybodaeth a ddarparwyd gennych yn gyflawn ac yn gywir ar dudalen y datganiad terfynol.
Os bydd eich amgylchiadau’n newid, mae’n bwysig eich bod yn dweud wrth yr Adran Gwaith a Phensiynau cyn gynted â phosibl.
Yna gofynnir i chi a wnaeth unrhyw un eich helpu i wneud eich cais.
Cam 6: Sut i edrych ar eich dyddlyfr (o 06:48 yn y fideo)
Byddwch nawr yn gallu defnyddio’ch dyddlyfr i weld hanes eich cyfrif Credyd Cynhwysol a gadael negeseuon ar gyfer Credyd Cynhwysol. Byddwch yn gallu rhoi gwybod am newid yn eich amgylchiadau, gweld eich rhestr o bethau i’w gwneud a gwirio pryd y bydd eich taliad nesaf.
Cam 7: Cadarnhau eich hunaniaeth (o 07:10 yn y fideo)
Gofynnir i chi ddilysu eich hunaniaeth ar-lein gan ddefnyddio dau fath o ID (slipiau cyflog, P60, pasbort y DU, trwydded yrru’r DU, Hunanasesiad, credydau treth neu eirda credyd).
Peidiwch â phoeni os nad oes gennych y mathau hyn o hunaniaeth, bydd botwm i glicio lle gallwch drefnu apwyntiad i ddilysu eich hunaniaeth.
Bydd angen i chi ddilysu eich hunaniaeth hefyd er mwyn cael diogelwch trosiannol, os oes gennych hawl iddo.
Cam 8: Derbyn eich ymrwymiad hawlydd (o 08:10 yn y fideo)
Gofynnir i chi gytuno i rai ymrwymiadau, yn seiliedig ar eich amgylchiadau personol. Mae hyn yn cynnwys mewngofnodi i’ch cyfrif i gwblhau’r holl weithgareddau a rhoi gwybod am newidiadau yn eich amgylchiadau.